Orges Shehi është trajner i lirë. Durrsaku ka fituar gjyqin me Tiranën dhe tanimë pret ofertat për të ardhmen. 46-vjeçari u shkarkua nga Tirana më 5 tetorin e këtij viti, me bardheblutë që nuk e lanë të lirë dhe më pas e quajtën të pezulluar duke e mbajtur nën kontratë.
Këtë të enjte në Dhomën e Zgjidhjes së Konflikteve në FSHF, trajneri fitoi gjyqin me ish-klubin që shpalli kampion dhe pret ofertat. Veç saj, Tirana është e detyruar që t’i paguajë rrogën deri në fundin e kontratës, kjo nëse Shehi nuk firmos me një tjetër klub deri në verën e 2024.
Për të kishte interes nga Partizani, para se të kuqtë të zyrtarizonin në stol Arbër Abilaliajn. Shkëndija e Tetovës është pa trajner aktualisht dhe me gjasë Shehi do duhet të ketë kontakte me shqiptarët nga Maqedonia e Veriut, kjo pasi edhe verën e 2023 kuqezinjtë treguan interes për të.
Discussion about this post