Oriku është skuadra kampione e Grupit B në Kategorinë e Dytë një sukses ky që erdhi pas fitores në javën e fundit ndaj Butrintit me rezultatin e pastër 3-0.
Protagonisti absolut i kësaj ndeshjeje u bë pikërisht portieri i Orikut, Bunkhov që jo vetëm ushtroi për mrekulli rolin e tij duke pritur një 11 metërsh të akorduar në favor të skuadrës sarandiote, por u bë edhe goleador.
Në fakt Bunkhoev shënoi dy gola me penallti, ndërkohë që goli i tretë u shënua nga Mirani. Në krahun tjetër Butrinti për 30 minuta luajti në inferioritet numerik pasi Mounde u ndëshkua me karton të kuq.
Kështu kjo ndeshje u mbyll 3-0 për Orikun që e mbylli sezonin e rregullt në Kategorinë e Dytë si fitues i Grupit B duke u ngjitur direkt në Kategorinë e Parë, ndërsa Burtrinti ka edhe një shans në këtë pikë pasi do të luajë në fazën e playoffit.
Discussion about this post