Modelja e njohur shqiptare, Oriola Marashi, në një “bisedë virtuale” me fansat e saj, ka treguar rrugëtimin e karrierës, duke u shprehur që ka “pasur shumë vuajtje”.
Zeshkania seksi ka treguar se nuk ka qenë e lehtë për të, që të bëhej modele e “Guess”, madje është përballur me bërryla për të arritur aty ku ajo dëshironte. Por Oriola thekson se nuk është dorëzuar përballë këtyre sfidave, duke shtuar se është një “shembull konkret”.
“Nuk mund të qahem. Unë kam standardin tim dhe me brande-t që kam punuar në Shqipëri para se të arrija të depërtoja jashtë vendit kanë qenë goxha të mira për një vajzë që punon dhe ia del e vetme pa mbështetjen e askujt. Kështu që goca: Puna dhe vetvetja nuk të lënë asnjëherë në baltë.
Mos u mendoni që u zgjova një ditë të bëra dhe u bëra modele e Guess. Kam pasur shumë vuajtje, lodhje dhe bërryla për të arritur këtu. Por nuk u ndala kurrë. Unë jam shembulli konkret”, u shpreh modelja.
Oriola Marashi është një nga modelet më të suksesshme shqiptare dhe ka arritur të punojë edhe me marka ndërkombëtare.
Discussion about this post