Ortakët e sanksionuar nga USA të “Sinaloa”, miliona dollarë nga Meksika në Shqipëri

Nga Basir Çollaku

Kazino, para pastruara. Miliona dollarë në Shqipëri në kazino dhe në ndërtime. Por strukturat tona të kontrollit të ligjshmërisë së parasë, zhurmuese edhe për 10 mijë euro, së paku ligjërisht, janë heshtur. Deri tani.

Një gjë është e sigurtë: në takimin e Luftar Hysës me bablokun në Kryeministri me 4 tetor 2020, Ismael Zembada Garcia, i mbiquajturi “El Mayo” i kartelit të Sinaloas, nuk ishte i pranishëm.

Sipas gazetës kanadeze La Presse, që citon një hetuese të krimit ekonomik e financiar të Xhandarmërisë Mbretërore Kanadeze, pronari i kazinosë Magic Palace në Kahnawake, Kanada, është firma shqiptare “Valona Konstruksion “ e Besnik Lulajt.

Ismael Zembada Garcia, El Mayo, u arrestua me 25.07.2024 nga DEA. Thuhet se nuk ka qëndruar gojëkyçur…Dhe kjo mund të jetë një sagë trazirash për emrat brenda rrëfimeve.

Sipas të përditshmes kanadeze La Presse, në maj 2023, autoritetet shqiptare kanë dërguar Leterporosi në Kanada për Luftar Hysën. Pala kanadeze është përgjigjur bollshëm. Cili autoritet shqiptar e ka dërguar kërkesën? Çfarë është bërë me përgjigjen kanadeze? Po në Peru, Meksikë, Poloni dhe Belize, a është dërguar Letërporosi për të njëjtin subjekt? A janë kryer veprime të tjera hetikore bazuar në lëndën e përgjigjeve të autoriteteve të huaja.?!

Sipas CANAFE(Qendra e Analizës së Operacioneve dhe Deklaratave Financiare) të Kanadasë:

Nga 2013-2019 në llogarinë bankare kanadeze të Luftar Hykës, kanë mbërritur 3.2 milionë dollarë nga Meksika.

Nga 2019-2020, restoranti kandez Mirela(emri i bashkëshortes së Luftar Hysës, ka dërguar 28 milionë dollarë në Shqipëri, Britani të Madhe, SHBA, Itali dhe Meksikë.

Nga 2018-2020, Stanley Mayiew, ortak i kazinosë Magic Palace në Kanada, i ka dërguar 13 milionë dollarë një firme ndërtimi në Shqipëri.

Këto janë pjesë nga libri që Luftar Hysa donte të shkruante për Shqipërinë(kështu e motivoi ai në një dalje medatike qëllimin e takimit me Bablokun…A ka një tjetër rast Struktura e Posaçme të pyesë Edi Ramën se çfarë këshillash, shërbimesh e shpërblimesh janë këmbyer me vizitorin Hysa në zyrën e tij?!