UEFA tronditi futbollin evropian javën e kaluar kur i dha një pezullim një-vjeçar Osasuna-s për trukime ndeshjesh për takimet që ishin luajtur në vitet 2013 dhe 2014.
Shumë pyetën se si mund të ndodhte që klubi nga Pamplona, mund të dënohej kaq ashpër me humbjen e vendit të tyre në kupat evropiane, ndërsa Barcelona, e akuzuar për korrupsion në sistemin gjyqësor spanjoll, është ende pa një vendim për çështjen e tyre.
MD thonë se UEFA aktualisht po studion përgjigjet e dhëna nga Barcelona, pasi ata i dërguan Blaugranës një pyetësor me 70 pyetje për rastin Negreira.
Për më tepër, çështja e Barcelonës ende nuk është zgjidhur në sistemin ligjor spanjoll, gjë që i ndërlikon më tej gjërat. Barcelona mohon çdo përpjekje për të ndikuar në ndeshje apo gjyqtarë, dhe ende nuk ka ndonjë provë që ata e kanë bërë këtë, ndërsa çështja e Osasuna u zgjidh në janar.
Megjithatë, e përditshmja katalanase thotë se nuk ka gjasa të kalojë shumë përpara se UEFA të japë verdiktin e tyre. Ashtu si me Osasuna, ata do të kenë mundësinë të apelojnë vendimin dhe më pas të apelojnë edhe në Gjykatën e Arbitrazhit Sportiv.
Deklarata e Osasuna-s për këtë çështje, se UEFA ishte ‘e fortë me të dobëtit dhe e dobët me të fortët’, dukej një mesazh mjaft i mprehtë se klube si Juventusi dhe Barcelona, megjithëse raste krejtësisht të ndryshme, po trajtohen me kujdes, ndërsa rasti i tyre u trajtua me shpejtësi, me klubin që u dënua menjëherë.
Discussion about this post