Përfaqësues të OSBE/ ODIHR monitoruan mëngjesin e sotëm procesin e votimit në disa qendra votimi në gjimnazin ‘Babë Dudë’ në Berat. Ky gjimnaz ka pesë Qendra Votimi, dhe nuk janë raportuar problematika deri më tani.
Kujtojmë se më 29 prill 2025, OSBE/ODIHR ka publikuar këtë të martë raportin paraprak lidhur me zgjedhjet parlamentare që do të mbahen më datë 11 maj.
Në raportin e OSBE-ODHIR vlerësohet se këto zgjedhje konsiderohen gjithashtu si një provë tjetër e rëndësishme për zhvillimin e proceseve dhe institucioneve demokratike të Shqipërisë, veçanërisht në kontekstin e negociatave të vazhdueshme për anëtarësim në Bashkimin Europian.
Gjithashtu theksohet se për herë të parë në këtë proces është krijuar mundësia që të marrë pjesë në zgjedhje edhe shtetasit shqiptarë që jetojnë dhe punojnë jashtë vendit. Por, gjithashtu në këtë raport paraprak të ODIHR që përfshin periudhën 3 javore të muajit prill thuhet se mjedisi politik karakterizohet nga një shkallë e lartë polarizimi dhe mosbesimi mes dy partive kryesore, PS dhe PD.
ODIHR evidenton se përdorimi i burimeve shtetërore dhe zhvillimi i fushatës brenda institucioneve publike janë të ndaluara, por vazhdojnë të ekzistojnë shqetësime lidhur me presionin ndaj nëpunësve civilë, ndikimin e padrejtë ndaj votuesve dhe keqpërdorimin e aseteve publike.
Në raport përmendet edhe task-forca e SPAK për hetimin e krimeve të caktuara zgjedhore dhe një platformë online për denoncimet nga publiku.
gijotina.com/
Discussion about this post