Si Kryesuese aktuale e Forumit të OSBE-së për Bashkëpunimin e Sigurisë (FSC) dhe në partneritet me Misionin e OSBE-së në Bosnje dhe Hercegovinë, më 22 mars në Vjenë, Bosnje dhe Hercegovina organizoi një event për forcimin e bashkëpunimit rajonal në mbikëqyrjen parlamentare e mbrojtjes dhe sigurisë në Evropën Juglindore.
Duke u bazuar në të dhënat e angazhimit të OSBE-së për qeverisjen e mirë dhe mbikëqyrjen parlamentare të sektorëve të sigurisë dhe mbrojtjes në shtetet pjesëmarrëse të OSBE-së, mbledhja e nivelit të lartë ndihmoi në hartimin e kursit drejt rigjallërimit të bashkëpunimit rajonal dhe shkëmbimit ndërmjet organeve parlamentare që mbikëqyrin punën e ushtrisë dhe policisë, forcave paraushtarake dhe shërbimeve të inteligjencës.
Ambasadori Siniša Bencun, Përfaqësues i Përhershëm i Bosnjë-Hercegovinës në OKB, OSBE dhe organizata të tjera ndërkombëtare në Vjenë theksoi se “në Evropën Juglindore, pavarësisht tensioneve, ne mbajmë dialogun politik dhe teknik”, duke shtuar se “e kaluara e trazuar është ende në mendjet tona, por ne e pranojmë se dialogu është e vetmja rrugë për të ecur përpara. Kjo është arsyeja pse kryesimin tonë të Forumit të Sigurisë të OSBE-së ia kushtuam kryesisht Evropës Juglindore, duke zgjedhur temën e rëndësishme për rajonin, duke përfshirë Marrëveshjen nën-rajonale të kontrollit të armëve dhe mbikëqyrjen parlamentare të sektorit të mbrojtjes dhe sigurisë”.
Në përvijimin e rezultateve kryesore të bashkëpunimit rajonal në fushën e mbikëqyrjes parlamentare të sigurisë dhe mbrojtjes, Zheljko Grubeshiç, Këshilltar Ekspert i Komitetit të Përbashkët për Mbrojtjen dhe Sigurinë e Asamblesë Parlamentare të Bosnje dhe Hercegovinës vuri në dukje se një bashkëpunim i tillë ka “ka zhvilluar marrëdhënie profesionale, ka krijuar bashkëpunim dhe ka mundësuar njohjen me praktika dhe përvoja të ndryshme”.
“Një sistem i përgjegjshëm i sigurisë është ai që mbështet të drejtat e njeriut dhe sundimin e ligjit, mbështet legjitimitetin e autoritetit politik dhe siguron stabilitetin shoqëror. Ndërsa mbikëqyrja parlamentare dhe kontrolli demokratik suportojnë sigurinë e shtetit, gjë që në fund mundëson sigurinë dhe mirëqenien njerëzore.” tha Dr. Susan Penksa, kreu i Departamentit të Bashkëpunimit të Sigurisë të Misionit të OSBE në Bosnjë. “Dëshiroj të falënderoj Kryetarin e Forumit të Sigurisë dhe Bashkëpunimit për mbështetjen e vlefshme dhe përgëzoj angazhimin e Bosnjë-Hercegovinës për forcimin e besimit dhe bashkëpunimit rajonal në fushën e sigurisë.” shtoi ajo.
Discussion about this post