Prezenca e OSBE në Tiranë i ka kërkuar autoriteteve shqiptare që të zbatojnë të gjitha rekomandimet për zgjedhjet parlamentare të 25 prillit. Në një postim në “Facebook”, OSBE publikon gjetjet e raportit përfundimtar për zgjedhjet, ndërsa shprehet se mbështet fushatën e kreut të KQZ, Ilirjan Celibashi, për të publikuar të gjitha rekomandimet
“I bashkohemi fushatës ndërgjegjësuese të Komisionerit Shtetëror të Zgjedhjeve Ilirjan Celibashi për rekomandimet e OSBE/ODIHR-it në raportin e zgjedhjeve të fundit dhe i inkurajojmë autoritetet shqiptare t’i vënë ato në zbatim”, thuhet në postim.
Në një nga rekomandimet thuhet se kuadri ligjor ka nevojë për ndryshime, për të evituar paqartësitë dhe mospërputhjet. Ndërsa një tjetër rekomandim kërkon që shteti të garantojë për një zgjedhje të lirë dhe të drejtë, si dhe të parandalojë çdo formë presioni që ndikon tek votuesit.
