Ditën e nesërme në disa zona të Tiranës do të ketë ndërprerje të energjisë elektrike. Lajmin e ka bërë të ditur OSHEE , e cila ka njoftuar se shkak janë bërë punimet për mirëmbajtjen e rrjetit, prandaj në disa zona të kryeqytetit do të ndërpritet energjia elektrike nga ora 9 e mëngjesit deri në mesditë.
“Në vijim të investimit për mirëmbajtjen e rrjetit, në datën 5 nëntor gjatë intervalit kohor 09:00-13:00 do të kryhen punime në disa fidera të NST Vorë. Pa energji do të mbeten këto zona në Tiranë: Nikël, Gjec Fushë, Fushë Prezë”, thuhet në njoftim.
Ndërsa kujtojmë se, kanë qenë të shumta ankesat nga qytetarët të cilët shprehen se ka shumë raste kur OSHEE shkëput energjinë pa lajmëruar dhe kjo ndodh disa herë në javë dhe me orë të tëra. Kështu rastesh nuk raportohen vetëm në Tiranë, për një problematikë të tillë banorët në Rrogozhinë janë ngritur sot në protestë.
Discussion about this post