Skandalet e tenderave nga Operatori i Shpërndarjes së Energjisë Elektrike (OSHEE), institucioni i drejtuar nga Ardian Çela , ka publikuar herë pas herë, ku raportohen shifra marramendëse parash të taksapaguesve shqiptarë që shkojnë në llogari të këtij institucioni. Por ky institucion dukshëm nuk trazohet nga skandalet e denoncuara në media, pasi ditën e sotme ka hapur garën për një tjetër tendër. Sipas njoftimit bëhet fjalë për një fond limit prej rreth 240 milionë lekë, të cilat kanë si objekt pastrimin e zyrave të OSHEE-së.
Data e fundit e paraqitjes së ofertës është më 7 dhjetor, teksa kontrata parashikohet të zgjasë vetëm një vit. Vënia në dispozicion i një tenderi të tillë në një kohë kur vendi vuan nga papunësia ngre mjaft dyshime mbi kthimin e taksave të shqiptarëve në favorin e tyre. Nëse ky institucion do të konsideronte punësimin e qytetarëve, në vend që të hapte garë për kompani private, minimalisht do të punësoheshin 600 sanitare, me rrogë minimale 30 mijë lekë në muaj, për 12 muajt që kontrata parashikon, e madje me aq para do të mbuloheshin dhe detergjentët apo pajisjet e nevojshme për mbajtjen pastër të zyrave të OSHEE-së.
Në një llogaritje të thjeshtë rezulton se në të gjithë vendin, ky institucion ka 100 zyra, që referuar parave të vëna në dispozicion do të mundësoheshin deri në 6 sanitare për një zyrë me rrogën minimale.
Por OSHEE, nën drejtimin e Ardian Çelës zanafillën e abuzimit me tenderat nuk e ka tek pastrimi i zyrave, pasi ky institucion rezulton i zhytur në pisllëkun e skandaleve që e kanë shoqëruar vazhdimisht.
Discussion about this post