Sipas një raportimi të bërë publik nga mediat italiane, zyrtarët e Bayernit të Mynihut janë duke punuar në mënyrë aktive për rastin e sulmuesit nigerian të Napolit dhe janë të gatshëm të japin edhe 100 milionë euro për ta blerë atë.
Osimhen është në listën e ngushtë të disa klubeve duke përfshirë Manchester United, Chelsea dhe Paris Saint-Germain, me vetë lojtarin veçanërisht të hapur për një lëvizje te Bayern.
Në fakt, siç raporton “Sky”, sulmuesi 24-vjeçar ka qenë tashmë në kontakt me skuadrën gjermane në të shkuarën.
Problemi më i madh, është presidenti i Napolit, Aurelio De Laurentiis. Numri një i klubit kampion të Italisë kërkon plot 150 milionë euro.
Osimheni është i lidhur me kontratë me skuadrën italiane deri në vitin 2025 dhe nuk ka mundësi largimi, ndërsa “BILD” vëren se, me 31 golat në 39 ndeshje të vitit të kaluar, ai është zgjidhja ideale për Thomas Tuchel në sulmin e Bayern.
Discussion about this post