Presidentja e Republikës së Kosovës, Vjosa Osmani, ka takuar ditën e sotme ambasadorët dhe përfaqësuesit e vendeve anëtare të Bashkimit Evropian të akredituar në Kosovë. Fokusi i bisedave kaq qenë procesi i liberalizmit të vizave për Kosovën. Gjatë fjalës së saj ajo ka thënë se, Kosova do të vazhdojë të punojë me partnerët evropian për procesin integrues të vendit.
“Ne do të vazhdojmë të punojmë ngushtë me partnerët tanë gjatë presidencës çeke të BE-së në mënyrë që të përmbyllet çështja e liberalizimit të vizave për qytetarët e Kosovës, ta avancojmë rrugëtimin tonë evropian, e të forcojmë më tej sundimin e ligjit dhe demokracinë”, ka thënë Osmani.
Presidenca njofton se Osmani ka diskutuar për zhvillimet e fundit në vend, në rajon dhe më gjerë, si dhe harmonizimin e plotë të politikës së jashtme të Kosovës me atë të BE-së. Ndërkohë,mbasadori çek në Kosovë, Pavel Bilek, thotë se shteti i tij e ka prioritet liberalizimin e vizave për Kosovën gjatë udhëheqjes me presidencën e Këshillitë të BE-së. Bilek ka thënë se heqja e regjimit të vizave për kosovarët është në agjendën kryesore të presidencës çeke. Diplomati nga Çekia ka treguar edhe hapat që mund të ndihmojë ky shtet në integrimin e Kosovës në mekanizmat e Bashkimit Evropian.
Discussion about this post