Presidentja e Kosovës, Vjosa Osmani ka zhvilluar një takim me kryeministrin e Luksenburgut, Xavier Bettel, në New York.
Në një postim në facebook, presidentja sqaron se Kosova është për vazhdimin e dialogut më Serbinë, i cili do të rezultojë me arritjen e një marrëveshje gjithëpërfshirëse.
“Kosova është për vazhdimin e dialogut më Serbinë, i cili do të rezultojë me arritjen e një marrëveshje gjithëpërfshirëse dhe ligjërisht e obligueshme dhe i cili duhet të përfundojë me njohje reciproke dhe ruajtje të karakterit unitar të Republikës së Kosovës” *ka theksuar Presidentja Osmani.
Osmani kërkon mbështetjen nga Luksemburgu për çështjen e liberalizimit të vizave.
“Kosova pret mbështetje nga Luksemburgu në çështjen e liberalizimit të vizave” – ka theksuar Presidentja Osmani në takim me kryeministrin Bettel.
Sipas saj, një mbështetje të tillë nga Luksemburgu pritet edhe në procesin e anëtarësimit të Kosovës në organizata ndërkombëtare.
Një theks i veçantë në këtë takim u vu edhe te bashkëpunimi ndërshtetëror duke shfaqur gatishmërinë për thellimin e bashkëpunimit në sferën e shkëmbimit ekonomik e tregtar, por edhe në fusha të tjera të interesit reciprok.
