Në 24-vjetorin e çlirimit të Kosovës, krerët shtetërorë, presidentja Vjosa Osmani, kryeparlamentari Glauk Konjufca dhe i pari i ekzekutivit, Albin Kurti, kanë vlerësuar lart kontributin e heronjve, martirëve dëshmorëve dhe të gjithë të rënëve për lirinë, ndërsa mirënjohje të thellë shprehën për shtetet që ndihmuan vendin në mbylljen e kapitullit të errët që shkaktoi Serbia.
Në pritjen e përbashkët shtetërore për nder të Ditës së Çlirimit, presidentja Osmani tha se 12 qershori i vitit 1999 ishte fanar shprese pasi në Kosovë u vendosën 50 mijë ushtarë të NATO-s dhe bashkë me ta edhe administrata e përkohshme e Kombeve të Bashkuara.
Duke shprehur mirënjohjen për shtetet anëtare të NATO-s, ajo tha se Kosova ka sërish nevojë për aleatët e saj, të cilët e ndihmuan më 1999. Derisa tha se sfidat sa vijnë e shtohen, Osmani u shpreh se duhet unitet në mënyrë që të mbrohet çdo pëllëmbë e Republikës së Kosovës.
E para e vendit u shpreh se lufta për liri është një rrugëtim i cili kërkon angazhim të vazhdueshëm dhe vendosmëri të palëkundur.
Kryeparlamentari Glauk Konjufca tah se sot kujtohen heronjtë, deshmoret dhe të gjithë ata që ranë për lirinë e Kosovës.
Vetëm mbi një etikë të pakëlundshmërisë, Konjufca tha se mundi të ngrihet Ushtria Çlirimtare e Kosovës.
Ndërsa kryeministri Albin Kurti tha se historia po vendoset në “provim” çdo 4-5 vjet, për ta sprovuar vetën nëse mund të përsëritet.
Duke aluduar në zhvillimet e fundit në vend, kur serbët po protestojnë kundër kryetarëve shqiptarë të dalë nga zgjedhjet e 23 prillit në komunat në veri të vendit.
Kreu i ekzekutivit citoi shkrimtarin Mitrush Kutelin, duke përcjell mesazhin se Kosova angazhohet çdo ditë për të barazi, liri e paqe./KosovaPress
Discussion about this post