Presidentja e Kosovës, Vjosa Osmani, ka uruar të gjithë besimtarët ortodoksë për Krishtlindje.
Në mesazhin e saj të urimit, ajo theksoi rëndësinë e kësaj feste si një moment reflektimi dhe gëzimi për të gjithë.
“Në këtë ditë feste, uroj të gjithë besimtarët ortodoksë për paqe, harmoni dhe begati në familjet e tyre,” thuhet në urimin e Osmanit, duke shtuar se kjo është një periudhë që na kujton vlerat e dashurisë, solidaritetit dhe shpresës, që janë thelbësore për forcimin e lidhjeve brenda shoqërisë.
Osmani theksoi gjithashtu se Krishtlindja Ortodokse është një mundësi për të reflektuar mbi ato vlera që bashkojnë popujt dhe ndihmojnë në krijimin e një shoqërie më të drejtë dhe më të bashkuar.
“Kjo festë na kujton dashurinë, solidaritetin dhe shpresën, vlera që na bashkojnë dhe na forcojnë si shoqëri,” tha ajo.
Në fund, presidentja Osmani shprehu dëshirën për shumë vite të tjera paqe dhe gëzim për besimtarët ortodoksë, duke thënë: “Qoftë kjo kremtë një moment reflektimi dhe gëzimi për të gjithë! Gëzuar për shumë mot Krishtlindjen ortodokse!”.
Discussion about this post