Reperi i famshëm, Drake, i ka habitur të gjithë me gjestin e tij aspak të zakontë. Të premten e kaluar, teksa ishte në skenën e Qendrës Kaseya, reperi i “Slime You Out”, vuri re një poster të ngritur nga një fans zemërthyer.
Ky i fundit mesa duket kishte shpenzuar të gjitha kursimet e tij për biletat dhe ish-partneren e tij.
Drake në një moment e pyeti atë nëse ish-i do të vinte me të dhe fansi bëri me shenjë “jo”.
“Çfarë nuk shkon me të?”- ishte reagimi i parë i reperit të famshëm. “Prisni, është pak agresive. Por e dini çfarë? Ajo do të ndihet shumë keq, sepse unë do të të jap pesëdhjetë mijë dollarë që të mund të mburresh tek ajo,”-shtoi Drake përpara se audienca të shpërthente në brohoritje.
Nga ana tjetër, hedhja e reçipetave është kthyer në një trend në mbarë botën. Së fundmi Drake ka zbuluar koleksionin e reçipetave që ka grumbulluar nga fanset në performancat e tij të ndryshme.
Njerëzit kanë mbetur të habitur nga fakti se sa reçipeta i janë hedhur reperit të famshëm gjatë kohës që ai ka qenë duke performuar. Por reperi me siguri nuk e priste që të përfundonte me një dhomë të tërë reçipetash kur u kërkoi fansave të vazhdonin t’i hidhnin ato në skenë.
Discussion about this post