Pa leje drejtimi dhe dhunë ndaj bashkëshortes, Policia e Lezhës arreston 5 persona

Policia e Lezhës ka arrestuar 5 drejtues mjetesh pasi janë kapur në akset rrugore Lezhë-Shkodër, Lezhë-Milot dhe Milot-Mamurras duke drejtuar mjetet pa leje drejtimi.

Personat e arrestuar janë E.D., 24 vjeç, banues në Tiranë, Xh.D., 57 vjeç, banues në Fushë Mamurras, A.L., 18 vjeç, banues në Zhejë, Kurbin, L.Gj., 57 vjeç, banues në Krujë dhe E.Z., 29 vjeç, banues në Laç .

Gjithashtu janë proceduar penalisht në gjendje të lirë për shkak të moshës personat N.Ll., banues në Mirditë, M.L. dhe M.A., banues në Lezhë.

Sipas uniformave blu bëhet me dije se është arrestuar edhe 30-vjeçari E.L., banues në Gurëz pasi ka dhunuar bashkëshorten e tij 26-vjeçaren Dh.L.

Materialet hetimore u referuan në Prokuroritë e Rretheve Gjyqësore Lezhë dhe Kurbin, për veprime të mëtejshme.