Kiara Tito është një nga moderatoret më të dashura për publikun shqiptar. Aktualisht ajo është nën moderimin e “Dancing With The Stars Fan Club” që transmetohet çdo të diel.
Sot, moderatorja ka zbuluar përmes postimeve në rrjetet sociale se është duke u bërë gati për puntatën e dytë të emisionit.
Por vëmendjen e ka marrë një postim në “Instastory” ku tregon dorën dhe në gishtin e martesës ka unazat.
“Pa merak se nuk i kam harruar”, ka shkruar ish-banorja e edicionit të dytë të “Big Brother VIP”.
Kjo për shkak se në pjesën e parë të “DWTS Fan Club”, Kiara kishte harruar që t’i vendoste pasi është bërë gati për transmetimin live.
Madje teksa postoi një video ku shfaqej partneri i saj, Luiz Ejlli, Tito tha: “Po ua them paraprakisht që kam harruar të vendos unazat, i harrova tek Elona”.
Ndërkohë këngëtari i dashur për publikun duke qeshur shton: “Kiara Tito i jep fund martesës”.
Discussion about this post