Seanca e sotme plenare ka nisur me tensione dhe përplasje mes deputetëve të opozitës dhe forcave të Gardës së Republikës, të cilët kanë ndaluar deputetët të futen në ambientet e Kuvendit.
Gardistët janë vendosur “gardh” tek dera e Kuvendit dhe nuk kanë lejuar deputetët e opozitës të futen në sallën e Parlamentit pa u kontrolluar fillimisht.
Deputetët e PD në momentin që i janë afruar derës së Kuvendit për t’u futur në sallë, janë përballur me një numër të madh gardistësh, të cilët i kanë ndaluar për t’i ushtruar kontroll të imtësishëm.
Me tonë të ashpra, kreu i grupit parlamentar të PD-së, Gazment Bardhi ka debatuar me punonjësit e Gardës së Republikës, pak para nisjes së seancës plenare.
“S’ju vjen zor, e keni kthyer në shtet policor. Për ça ka i ke sjell këta? Për ça ushtroni kontroll? Kush jeni ju mo”
“Mos e prek me dorë”, thotë Bardhi.
Discussion about this post