Pabarazi në tenderin për turizmin, kompania e njohur bën denoncimin

1 javë më parë

Klodian Makashi drejtori i kompanisë “Connect Albania”, ka denoncuar një rast ku pretendon shkelje të barazisë së garës në tendera. Ai deklaron se kompania që ai drejton ka marrë pjesë në një garë për një tender që ka si objekt promovimin e aktiviteteve në jug të vendit.

Makashi pretendon se kompania e tij mori 69 pikë, por megjithatë nuk mundi të fitonte garën, pasi tenderin e përfito një kompani, që sipas tij u listua e treta. Më tej ai shkruan se sipas vlerësimeve dhe referencave, në vend të parë janë  organizatorët e EXIT Festival.

“Gjëja më e çuditshme dhe qesharake është kur pashë listimin e vlerësimit teknik të operatorëve që morën pjesë në garë. Ne morëm 69 pikë dhe nuk po them për ne si konkurentë në garë, se të gjithë ne kur konkurojmë mendojmë se jemi më të mirët, por për fituesin dhe atë që është i 3-ti në vlerësim”, shprehet ai ndër të tjera.

Ai pretendon se kompanitë e tjera i janë referuar EXIT Festival, kjo sipas tij për shkak të viteve që kjo kompani ka në treg.

“Dmth, seriozisht tani…qellimi i thirrjes eshte qe te planifikohen te organizohen festivale dhe gjera te medha ne jug por dhe festa lokale komunitare. Per te gjithe ne dhe ata qe kane bere vleresimet, referenca ka qene EXIT Festival, se jane reference ne Ballkan ketu e 20 vjet dhe kur vete ata qe organizojne EXIT aplikojne dhe dalin te 3-tet ne gare me 75 pike.”, shkruan ai.

Të ngjashme