Evi Kokalari është i drejtuar Gjykatës së Tiranës me një padi, ku kërkon anulimin e zgjedhjeve për kryetarin e Partisë Demokratike, garë në të cilën nuk u lejua nga Sali Berisha që të merrte pjesë si kandidate.
Pas refuzimit të kërkesës nga Komisioni Zgjedhor në PD, për t’u regjistruar në zgjedhje si kandidate, këtë të enjte Kokalari i është drejtuar me një padi Gjykatës së Tiranës, ku kërkon pezullimin e menjëhershëm të zgjedhjeve dhe çdo vendim tjetër të marrë këto kohë.
“Padia kundër Sali Berishas është depozituar tashmë dhe është caktuar dhe gjykatësi përkatës”,- shkruan Kokalari.
Kokalari nuk është e vetmja demokrate që u ndalua të garonte për lidershipin e PD-së dhe që i është drejtuar gjykatës. Edhe mjekja Merema Sela, e cila pati të njëjtin fat si Kokalari tashmë pret nga Drejtësia të njëjtën vendim si aktivistja shqiptaro-amerikane.
Kujtojmë që në zgjedhjet për kreun e PD-së, ishin disa kandidatë që kërkuan të bëhen pjesë e garës për të drejtuar partinë më të madhe të opozitës.
Ervin Salianjit, Mereme Selës, Vladimir Mulajt, Alesia Balliut apo Evi Kokalarit, iu refuzua kandidimi, teksa emri i vetëm që demokratët do të votojnë në zgjedhjet e 23 majit është Sali Berisha.
gijotina.com/
Discussion about this post