Zëdhënësi i Komisionit Evropian ka reaguar pas padisë që Aleanca për Mbrojtjen e Teatrit Kombëtar, bëri dje në SPAK kundër ambasadorit të BE në Tiranë, Luigi Soreca. AMT kërkoi edhe shpalljen non-grata të Sorecës, ndërsa sot, BE hedh poshtë pretendimet dhe flet për një axhendë kundër misionit të ambasadorit në Shqipëri.
“Duket se ka një fushatë të drejtuar kundër delegacionit të BE në Shqipëri, dhe më duhet të them se akuzat janë të pabazuara. Liderët e BE kanë besim tek ambasadori Soreca dhe punën që ai po bën në Shqipëri”
