Halit Valteri dorëzon prova të tjera në SPAK në lidhje me kallëzimet për familjen Meta. Ende nuk dihet se çfarë materiali ka dorëzuar ish-deputeti. Ai është shprehur se pret të thirret sërish për të dhënë shpjegime.
Ish-deputeti i opozitës në mandatin e kaluar, Halit Valteri këtë qershor paditi në Prokurorinë e Posaçme Antikorrupsion presidentin në detyrë Ilir Meta për lobim me vlerë qindra mijëra euro nëpërmjet parave të korrupsionit.
Bëhet fjalë për dy artikuj të mediave të njohura “Mother Jones” (25 prill 2018) dhe “Kronen Zeitung” në 16 maj, të cilat raportuan se LSI ka paguar një kompani “offshore” qipriote “Dorelita Limited”, e cila financonte një firmë tjetër në pronësi të ish-senatorit republikan amerikan Hoëard “Buck” McKeon dhe ish-kryetar i Dhomës së Komitetit Shërbimit të armatosur.
Ky i fundit do të përpiqej të ndikonte në Departamentin Amerikan të Shtetit në mënyrë që LSI të fitonte akses dhe mbështetje nga SHBA. “Kronen Zeitung” raportoi Se LSI ofroi për 700 mijë dollarë lobime po nga kompania e sipërpërmendur qipriote me qëllim që kjo e fundit të siguronte ftesë dhe foto të Metës për ceremoninë e inaugurimit të Donald Tramp si president i 45-të i SHBA në 20 janar 2017.
Discussion about this post