Kryetarja e Komisionit Hetimor të Inceneratorëve dhe njëkohësisht dhe nënkryetarja e PD-së Jorida Tabaku i ka dërguar letër SPAK për të pyetur në lidhje me hetimet për inceneratorët.
Tabaku kërkon nga SPAK informacion mbi ecurinë e hetimeve, ndërsa thekson se beteja do të vijojë deri në vendosjen e drejtësisë.
“Pas një beteje mbi 3 muaj në Komisionin Hetimor të inceneratorëve për të zbardhur të vërtetën e aferës korruptive 430 mln euro nga një grup i strukturuar kriminal kemi dërguar në SPAK 7 padi ndaj: Erion Veliaj, Emiriana Sako, Alqi Bllako, Damian Gjiknuri, Arben Ahmetaj, Ëngjëll Agaçi dhe Armando Subashi. Partia Demokratike shkroi një raport 120 faqe që për fatin e keq nuk u votua në Kuvend por që gjithsesi u dërgua në SPAK përmes një padie 90 faqe ku përfshihehin 112 prova që tregojnë se si 50 të akuzuar përfshirë Edi Ramën në krye kanë punuar për të abuzuar me paratë e shqiptarëve.”, shkruan ndër të tjerash Tabaku.
Ajo po ashtu shprehet se do vazhdojnë të këmbëngulin deri në daljen përpara drejtësisë për Aferën e Shekullit, duke nënvizuar se në këtë kohë krize dhe inflacioni të lartë, taksat e shqiptarëve paguajnë edhe më shtrenjtë inceneratorin e Tiranës.
Discussion about this post