Kuvendi ka shtyrë për seancën e ardhshme diskutimin dhe miratimin lidhur me rritjen e pagave për anëtarët e Gjykatës Kushtetuese.
Kërkesa u paraqit në seancë nga Grupi Parlamentar socialist dhe arsyeja ishte se nuk arrihej kuorumi prej 84 votash pro për miratimin e draftit.
Megjithëse Lulzim Basha, kreu i PD-së së vulës, dhe deputetët mbështetës së tij deklaruan votën pro miratimit të ndryshimeve në ligjin “Për organizimin dhe funksionimin e Gjykatës Kushtetuese të Republikës së Shqipërisë”, mungesat në rradhët e socialistëve ndikonin në arritjen e numrit të nevojshëm të votave.
Miratimi i këtij ligji kërkon shumicë të cilësuar dhe deputetët e përfshirë në grupimin e drejtuar nga Gazment Bardhi, ku përfshihen edhe ata që i përkasin Rithemelimit, janë shprehur kundër.
Në seancën e sotme mungonin disa deputetë socialist, përfshirë edhe Kryeministrin Edi Rama, si dhe Delina Ibrahimaj, Paulin Stërkaj, Bujar Çela dhe Gerta Duraku.
Kaq ka mjaftuar që Grupi i PS-së të kërkojë shtyrjen e diskutimit dhe njeherazi edhe votimit.
Discussion about this post