Mbledhja e sotme në Komisionin e Edukimit dhe Mjeteve të Informimit është shoqëruar me debate të forta, ku është diskutuar mbi projektbuxhetin e vitit të ardhshëm.
Përplasja ka nisur mes deputet i partisë demokratike Agron Gjekmarkaj dhe ministres së Arsimit Evis Kushi, veçanërisht për çështjen e pagave të pedagogëve, që sipas demokratit janë shumë të ulëta, dhe pamundësojnë kualifikimin e mëtejshëm të tyre.
“Ju e dini shumë mirë që me aq pak nuk blen dot libra. Për të bërë konferenca ndërkombëtare dhe për të udhëtuar për një pedagogë është shumë e vështirë për të mos thënë e pamundur. Do të duhet të bëjnë nga dy tre punë dhe kur bën nga dy tre punë bie cilësia e mësimdhënies. Jam detyruar vetë të bëj dy tre punë, përpara se të vija këtu. Ky është një problem që pedagogët presin shumë më tepër”, është shprehur Gjekmarkaj.
Kushi tha se ndan të njëjtin shqetësim me Gjekmarkajn, por për shkak të autonomisë së universiteteve nuk mund të ndërhyjë ministria në rrogat e pedagogëve. Deputeti i PD-së ka rrëfyer eksperiencën e tij si pedagog, ku tha se i është dashur që të bëjë disa punë njëherësh për t’ia dalë.
Discussion about this post