Kryetarja e LSI, Monika Kryemadhi ka reaguar përmes një postimi në Facebook, lidhur me deklaratat e kryeministrit Edi Rama në konferencën e fundit për këtë vit, ku tha se pavarësisht skandalit, qeveria nuk do t’i ndërpresë financimet për inceneratorët.
Kryemadhi shkruan se ka shumë arsye pse qeveria nuk i ndalon pagesat ndaj inceneratorëve, ndërsa thekson se me vitin e ri, e vërteta e aferës kriminale qeveritare, do të triumfojë mbi propagandën e qeverisë.
“Të dashur gazetarë, shumë shpejt nuk do të jetë e nevojshme të lodheni më me pyetje apo dyshime, që ngelen pa përgjigje. Ka shumë arsye pse Qeveria nuk i ndalon pagesat ndaj inceneratorëve. Me vitin e ri do të hapen të gjitha letrat dhe shumë shpejt, e vërteta e mega aferës kriminale qeveritare, do të triumfojë mbi propagandën e sforcuar”, shkruan Kryemadhi.
Rama tha më herët se nuk do ndërpritet asnjë proces për inceneratorët për shkak se kanë benefite të mëdha dhe në fund dot të përfundojë si një pronë e shtetit.
Discussion about this post