Policia e Gjirokastrës ka arrestuar Thanas Papadhimitri, 30-vjeç pasi akuzohet se përmes avokatit ka korruptuar prokurorin dhe gjyqtarin, për t’i shpëtuar dënimit pasi shkaktoi një aksident në qershor të vitit 2019.
Sipas policisë, Papadhimitri është dënuar me 12 muaj burg për veprat penale “Veprime që pengojnë zbulimin e të vërtetës” dhe “Shkelja e rregullave të qarkullimit rrugorë”.
Aksidenti ka ndodhur në qershor 2019, ku mbeti e plagosur një e moshuar e cila humbi shikimin në syrin e majtë. Autori i aksidentit, Thanas Papadhimitri, u largua nga vendi i ngjarjes dhe sipas dokumenteve të publikuara asokohe në emisionin “Stop”, u mundua të manipulonte provat.
Autori zgjodhi si avokat mbrojtës Shpëtim Meçin dhe ky i fundit i premtoi se me një ryshfet prej 3000 eurosh do ta mbyllte këtë çështje. Sipas Meçit, 1500 Euro ishin për prokurorin Julian Cafka dhe 1500 të tjera për gjyqtarin.
Discussion about this post