Parkimi i makinës në Tiranë sidomos pa pagesë është kthyer në një nga sfidat më të vështira për këdo. Por mesa duket edhe në rast se jep para, duhet të kesh fat që të gjesh një vend.
Në parkingjet publike jo pak herë shoferët e papërgjegjshëm bëhen protagonistë duke lënë makinat vend e pa vend, ku bllokojnë dhe të tjerët të cilët mbeten pa fjalë kur shohin që janë zënë dy apo tre hapësira.
Fotot e mëposhtme janë nxjerrë sot në parkimin e administruar nga Tirana Parking në zonën e Trenit në Tiranë, ku duket se një numër i madh shoferësh kanë lënë makinat e tyre në mënyrën më të papërgjegjshme të mundshme.
Deri më tani nuk ka asnjë lëvizje dhe nga Policia Bashkiake për të ndëshkuar shoferë të tillë brenda hapësirave të administruara pikërisht nga Tirana Parking.
Discussion about this post