Kreu i Partisë Demokratike, Lulzim Basha ka mbërritur në selinë blu pak orë para protestës së thirrur nga ish-kryeministri Sali Berisha. Kryedemokrati e ka nisur herët ditën, ndërkohë që dje paralajmëroi se do të jetë në zyrën e tij në mbledhje me grupin parlamentar në orën që do të mbahet protesta.
Ish-kryeministri Berisha ka paralajmëruar protestë para selisë blu në orën 12:00, me sloganin “Protestë Kombëtare”: “Jo bunker i pengut, por shtëpi e demokratëve”. Mbështetësit e Berishës do të tentojnë të nxjerrin nga zyra kryedemokratin Lulzim Bashën dhe të uzurpojnë selinë e PD.
Vetë Berisha pranoi mbrëmjen e djeshme në një intervistë se Basha do të largohet butësisht nga selia e PD-së. Ai theksoi se dhunë nuk do të ketë por do të gjenden mënyra të tjera për ta larguar Bashën nga selia. Nga ana tjetër, Basha u ka bërë thirrje demokratëve që sot të qëndrojnë larg selisë blu, pasi Berisha ka angazhuar kriminelë, trafikantë e persona me precedentë penalë për zhvilluar dhunë.
Discussion about this post