Dy orë përpara protestës kombëtare të thirrur nga Partia Demokratike, zona përreth Kryeministria është blinduar nga qindra efektivë të Policisë së Shtetit.
Autobotë, më shumë se 1300 policisë, janë vendosur në gatishmëri për protestën e thirrur nga opozita. Kryeministria është “blinduar” nga efektivë të policë. Ndryshe nga protestat apo Foltoret e opozitës, në këtë protestë ka një numër më të lartë policësh të angazhuar.
Gjithashtu në disa pankarta të vendosur përpara Kryeministrisë, shkruhet “i pangopuri i fundit të Europës”.
Forca të shumta policore, të pajisura me mjete antidisturbimi dhe barriera metalike, janë pozicionuar në të gjitha akset hyrëse që çojnë drejt institucionit, ndërsa është rritur prania edhe në bulevardin “Dëshmorët e Kombit”.
Sipas njoftimit të organizatorëve, protesta pritet të nisë në orët e pasdites dhe të mbledhë mbështetës nga disa qytete të vendit. Ndërkohë, policia u ka bërë thirrje qytetarëve të shmangin qarkullimin në zonën qendrore të Tiranës dhe të ndjekin udhëzimet e autoriteteve përgjegjëse.
Ndërsa nuk është përcaktuar një orar për sa do të zgjasë protesta. Mësohet se policia ka lënë afat nga ora 18:00 deri në 21:00. Ndërsa më herët Policia e Shtetit në njoftimin zyrtar, njoftoi për devijim të trafikun nga ora 14:00.
gijotina.com/
Discussion about this post