Pas shumë vitesh bashkë, sot Armina Mevlani dhe Shkëlzen Berisha do t’i thonë “Po” njëri-tjetrit. Çifti do ta kurorëzojë dashurinë e tyre në martesë në një ceremoni moderne dhe të kuruar në detaj në Shijak.
Së fundmi, blogerja ka postuar një foto në llogarinë e saj të Instagramit, një detaj nga dasma e saj.
Në foton e postuar shihen një tufë me trëndafila rozë dhe të bardha, e cila ka lënë një mbishkrim.
“Bukuri”, ka shkruar Armina.
Kujtojmë se dasma e blogeres dhe djali të kreut të Partisë Demokratike vjen në prag të 10-vjetorit të lidhjes së tyre. Në këtë marrëdhënie afatgjatë, ata kanë preferuar që t’i bëjnë të gjitha hapat tradicionalisht. Vite më parë, dyshja bëri edhe një ceremoni fejese me familjarët e afërt. Ndaj edhe dasma e tyre nuk kishte se si mos të kishte të njëjtën linjë.
Çifti pas dasmës do të marrë pak kohë për të pushuar e për të kryer edhe muajin e tyre të mjaltit, ashtu si tradita e do. Por rikthimi në Tiranë do të jetë si gjithnjë i angazhuar me punë. Armina i është rikthyer sezonit të dytë të “Goca dhe Gra”, ku në rolin e saj si moderatorë shpesh ndan detaje nga jeta private.
Discussion about this post