Teksa na ndan shumë pak nga nisja e Kuvendit, ish-kryeministri Sali Berisha ka përfituar edhe një herë që t’iu bëjë thirrje demokratëve dhe simpatizantëve që të marrin pjesë në kuvendin e thirrur nga ai për rithemelimin e PD.
Përmes një postimi në “Facebook”, Berisha thekson se Kuvendi do të nisë në orën 10:00 te stadiumi ‘Air Albania, ndërsa bëri dhe thirrjen e fundit për pjesëmarrjen e delegatëve.
“Sot në ora 10:00 në Arena Air Albania mbahet Kuvendi i ri-themelimit të PD-së. Rikujtim: Të gjithë anëtarët mund të vijnë, delegatët të kenë hyrjen e veçantë dhe anëtarët e simpatizantët hyrjen e tyre”, shkruan Berisha.
Ndërsa Berisha mban Kuvendin, nga ana tjetër, kreu aktual i Partisë Demokratike, Lulzim Basha do të zhvillojë në të njëjtën orë një festë brenda selisë së PD 31 vjetorin e themelimit të partisë.
Discussion about this post