Pak para protestës, Rama akuza Berishës: Takoi në Tiranë përfaqësuesin e Putin

Pak orë para protestës së thirrur nga opozita, kryeministri Edi Rama ka risjellë debatin që bëhet për financimin rus të PD, duke lënë të nënkuptohet ankthin që ka për protestën nisur nga pjesëmarrja masive e asaj të fundit.

Rama ka akuzuar Sali Berishën se ka takuar përfaqësuesin e presidentit të Rusisë, Vladimir Putin. Përmes një postimi të bërë në “Twitter”, kreu i Qeverisë shkruan se ky takim ka ndodhur një muaj para votimit në Strasburg të Rezolutës së Këshillit të Europës, për të ndëshkuar atë ç’ka iu bë padrejtësisht Kosovës.

“Një muaj përpara bashkimit të duarve për t’i ngulur thikën pas shpine Kosovës dhe Shqipërisë në Strasburg, Çorba e Rublave është gatuar në Tiranë gjatë një vizite të përfaqësuesit të Putinit, e vlerësuar “shumë e rëndësishme” nga zyra e vulëhumburit tanimë të damkosur: NonGrata!”, shkruan Rama.

Lexo edhe: Berisha mesazh për qytetarët në Tik-Tok: Shihemi nesër në protestën e madhe