Irena Beqiraj, ish-zëvendës ministre e Financave dhe njëherësh ish-drejtoreshë e Doganave në qeverinë Rama ka shpjeguar atë që quhet Paketa e Rezistencës Sociale të prezantuar nga kryeministri për përballimin e situatës së rritjes së çmimeve. Përmes një postimi në Facebook ajo publikon shifrat, mënyrën se si veprohet me taksimin e pagave apo pagesën e sigurimeve shoqërore në vend, duke dalë në përfundimin se rritja e pagës minimale rëndon mbi biznesin, shton arkën e shtetit dhe nuk përbën asnjë ndryshim për qytetarët.
“Rritja e pagës minimale: Për 220,000 punonjës qe paguhen me page minimale rroga do te rritet nga 30,000 lekë në muaj ne 32,000 lekë . Qeveria mbledh 27.9% sigurime shoqërore mbi çdo lekë shtesë të pagës bruto. Shtesa prej 2,000 lekë e pagës minimale për 220,000 punonjës, shton të ardhurat 9 mujore në buxhet me 1.1 miliard lekë . Ndërkohë qe rritja neto e pagave për 220, 000 punonjës për 9 muaj do te jetë rreth 3.5 miliardë lekë . Te dy këto shuma (4.6 miliardë) do te përballohen nga biznesi duke rritur koston e këtij te fundit”, shprehet ajo.
Sipas saj, për shkak të skemë së shpjeguar më larg, për barrën që i bie, biznesi nuk mund të zvogëlojë fitimet dhe për këtë arsye rrit çmimet e produkteve.
Discussion about this post