Ish-efektivi Dritan Zagani ka paralajmëruar lirimin nga burgu të ish-ministrit Saimir Tahiri. Gjatë një lidhje me “Skype” për “Fax News”, Zagani tha se Tahiri nuk do ta vuajë të plotën dënimin që mori vetëm një ditë më parë, 3 vite e katër muaj, por do të lërë shumë shpejt qelinë.
Sipas Zaganit, Tahiri është “koka e turku” për të shpëtuar Edi Ramën, i cili sipas tij është përgjegjës kryesor për lidhje me krimin e organizuar. Ai po ashtu ka “shënjestruar” dhe Ambasadën e SHBA-ve, duke thënë se arrestimi i ish-ministrit është dënim sa për sy e faqe, për t’u “mburrur” ambasada se reforma në drejtësi po funksionon.
“Saimiri ishte një ingranazh nuk përfaqëson çfarë ka ndodhur nuk mund të marrë përsipër çfarë ka ndodhur aty. Ai kërkon të mbyllë hallet e atij të madhit. S’mund të bunet Tahiri gjithë ato gjëra dhe Edi Rama mos ishte në dijeni. Është bëre akordi që ky mos flasë dhe të rri pak brenda, aty është një akt marrëveshje. Unë dëgjova trupën gjykuese është provuar lidhja me bandën kriminale nuk është shpërdorim detyre por është bashkëpunim me organizatën kriminale, nuk ka sens të qëndrojë. Shpërdorimi detyrës për mua ishte kapja e trafikantëve të drogës pa lejen e Saimirit.
Unë jam polici nuk jam jurist. Por me aq sa njof ligjin dhe procedurën penale aty duket qartë që ka një akord për të minimizuar dëmet Saimir Tahirit për të mbuluar dëmet e mëdha të Edi Ramës. Në këto kushte ngelet për tu parë, por Saimir Tahiri do të dalë shumë shpejt dhe pastaj të hajë gëzuar lekët që nuk e di ku i ka. Disa muaj do të bëjë burg. Saimir Tahiri do të qërohet nga politika kjo është e mira.
Mund të nxjerrë emra Tahiri ? Çdo gjë është e mundur për shkak se ndodhemi në Shqipëri. Duke analizuar situatën çfarë ndodhi unë mendoj se do të dalë shumë shpejt dhe në heshtje do të gëzojë lekët dhe pastaj jetë të lumtur. Por edhe mund të nxjerrë ndonjë emër, çdo gjë është e mundshme. Krimi i organizuar ka marrëveshje me bazë ekonominë, bashkëpunimi.
Është dënim sa për sy e faqe jo për mua dhe ty , por për tek vilën tek rruga e Elbasanit. Për tu mburrur ambasada që ja po jep rezultat reforma në drejtësi. Kjo është diktatura e krimit të organizuar. Në propagandën që Edi Rama dhe Rilindja ka organizuar po mundohen ti hedhë hi syve shqiptarëve”, tha Zagani.
Discussion about this post