Në lidhje me paktin që u arrit sot me PS dhe opozitës për zgjedhjen e presidentit, ka reaguar deputeti i Partisë Demokratike dhe anëtari i Komisionit të Rithemelimit, Tritan Shehu. Në një postim në facerbook, Shehu ka dalë kundër këtij pakti, duke mos i kursyer ironitë. Sipas tij, kështu ndodh kur shkon për “fasadë” në këtë gjendje, pa “lexuar” as Kushtetutën, si “cjapi tek kasapi”
“U mbars mali dhe polli një mi”! Është konluzioni i kësaj çfaqje teatrale të sotme në Kryesinë e Kuvendit. Dhe nuk mund të ndodhte ndryshe që në momentin që: 1-Rolin “lider opozitar” e kishte përvetësuar dikush, që u paraqit para Ballës pa asnjë funksion të tillë e pa mandat nga PD për të negociuar, në fakt edhe pa asnjë propozim substancial, qoftë dhe si deputet. 2-Ndërsa Z.Balla & Co, duke e ditur mirë këtë fakt thelbësor, veçse e ushqeu me “luge bosh”, duke i dhënë disa leksione kushtetushmërie, asgjë më shumë…ai vetëm luajti “lojën” e tij, dhe me tej:
–Me “zemërgjerësi” hoqi dorë nga dërgimi i kandidaturave të PS për Raundin e 3 e te 4, kur dihet se ata nuk i kanë numrat këto raunde për t’i votuar ato.
–Ai i dha “të drejtën opozitës” të propozimit të kandidaturave, por duke i kujtuar të 20 firmat e domosdoshme, gjë që ia jep qartësisht Kushtetuta këtë.
Kështu ndodh kur shkon për “fasadë” në këtë gjendje, pa “lexuar” as Kushtetutën, si “cjapi tek kasapi”, e pastaj “në vend të vendosësh vetullat nxjerr dhe sytë”!
Ky është bilanci i vetëm për këtë pseudo negocim dhe rezultatet e tij sot.
Një mësim i qartë ky për çdo opozitar, që i hyn aventurizmave të tilla politike, veçse për…” – shkruan Shehu.
Discussion about this post