Kanë kaluar dy vite nga tërmeti i 26 nëntorit në Durrës që shembi dhjetëra shtëpi e shkaktoi dhjetëra të plagosur e viktima, ,ndërsa bashkia ende nuk ka përfunduar punimet për rikonstruksionin e ndërtesave të dëmtuara. Sakaq një pallat në lagjen 12 në Durrës rrezikon të shembet, e për pasojë edhe banesat që ndodhen pranë këtij pallati. Bashkia nga rishikimi i objekteve të dëmtuara e ka shpallur të riparueshëm këtë pallat, por duket se kjo është një neglizhencë nga ana e tyre pasi objekti është mënjanuar dhe për këtë duhet të rivlerësohet. Banorët kanë dalë në protestë para bashkisë, në mungesë të informacioneve pasi objekti që më herët ishte klasifikuar si i riparueshëm, mund të shembet.
“Pallati jonë është cilësuar DS3, qoftë nga rivlerësimi që u bë nga ndërkombëtarët, qoftë nga të vendit. Një pallat që është DS3 nuk ka pse të diskutohet nëse prishet apo nuk prishet sepse kështu thuhet edhe nga kryetarja; edhe mund të prishet.”
Njoftimi edhe pse jo zyrtar u ka shtuar dyshimet banorëve për vonesën e bashkisë së Durrësit për riparimin e ambienteve të përbashkëta, ndërsa ata vetë tashmë i kanë përfunduar punimet e brendshme me bonusin e dhënë nga qeveria.
“Ne prandaj na vjen keq, se çdo familje ka marrë ato 5 milionë (të vjetra) për të bërë punimet e veta.”
Pallati i vlerësuar DS3 sipas bashkisë, ka pësuar mënjanim, ndaj do të riekspertohet nga Instituti Kombëtar i Ndërtimit.
Por vonesa gati dy vjeçare për një përgjigje, sipas banorëve ngre vend për dyshime.
“Nuk e dimë, thjesht neglizhencë, neglizhencë e bashkisë.”
“Kemi protestuar disa herë këtu te baskia dhe asnjëherë nuk na kanë marrë në konsideratë.”
Ndryshimi i skenarëve në kohën kur prisnin të riktheheshin në shtëpi, ka shtuar pasigurinë mes banorëve të pallatit që tashme thonë nuk po marrin as bonusin e qirasë.
Discussion about this post