Deklaratat “fasadë” të qeverisë se pothuajse gjithë ndërtesat e prekura nga tërmeti po rikonstruktohen dhe po ndërtohen nga e para, po venë në rrezik jetën e banorëve ne Lezhë.
Banorët denoncojnë për gijotina.com se një pallat rrezikon të shembet si pasojë e dëmtimeve nga tërmeti, e për pasojë banesat që ndodhen në afërsi të kësaj ndërtese nuk janë të sigurta.
“Shqetësimi i parë është se në atë vend ku në banojmë ai pallat nuk ka as sipërfaqen duhur as distancën e duhur sipas rregullave dhe ligjeve të shtetit. Unë jam i pari që dëmtohem. Nga ballkoni im një shtresë është, një oborr na ndan nga pallati i dëmtuar”, është shprehur banori.
Një tjetër shprehet i revoltuar se iu është drejtuar organeve përgjegjëse dhe qeverisë, ndërsa kjo e fundit nuk ka marrë asnjë masë s’ka kryer asnjë kontroll duke bërë “një sy qorr e një vesh shurdh”.
“Nuk kemi marrë asnjë përgjigje, jemi ankuar që në 2019, i kemi bërë denoncimet në prokurori në gjykatë dhe ardh asnjë njëri që të shikojë se çfarë problemi ka. Ne apelojmë si qytetarë të këtij vendi, që gjithçka mos të shkojë në vend të shurdhër, po të merren masa si banorë si qytetarë të këtij vendi”, është shprehur banorëve.
“E kemi bërë ankesën, na kanë thënë që spo gjejmë prokurorë, se c’lidhje ka kjo, nuk e dimë”, ka treguar banori
Një tjetër është shprehur i shqetësuar se nga momenti në moment, pretendohet që pallati që është dëmtuar nga tërmeti mund të bierë.
