Shkëlqim Goxhaj, shefi i Zjarrfikësve të Tiranës, u shpreh se flakët janë vendosur nën kontroll në pallatin shumëkatësh në zonën e ish-Parkut të Autobusëve.
Goxhaj tha se në pjesën e fasadës dëmtimet janë të shumta, ndërsa u shpreh se nuk dihet ende se si është gjendja në brendësi të apartamenteve, pasi dyert janë të blinduara.
Ai u shpreh se dëmet më të mëdha janë në ato apartamente ku dritaret kanë qenë të hapura, ndërsa është ende shpejt për të përcaktuar shkakun e zjarrit.
“Zjarri është nën kontroll po shkon drejt izolimit. Po vazhdojmë me vatrën e fundit. Zjarri ka marrë përmasa të shpejta.”, ka thënë ai.
Sipas tij, kjo është hera e parë që kemi një përhapje të flakëve në fasadën e pallatit, ndoshta për shkak të materialit që është përdorur gjatë ndërtimit.
Goxhaj tha se nuk është në gjendje të thotë nëse kemi një përhapje të flakëve nga fasada drejt apartamenteve apo anasjelltas.
Ai tha se flakët fillimisht janë parë në katin e dytë, të dubleksit, që ndodhet mbi tarracën e pallatit, për tu përhapur më pas në katet e tjera.
Discussion about this post