Prokuroria e Tiranës ka marr në pyetje pesë fëmijët që nga këqyrja e kamerave të sigurisë shfaqen duke hedhur mbeturina në një karrocë e cila konsiderohet si vatra prej nga ku shpërtheu zjarri që dogji pallatin shumëkatësh pranë “Farmacisë 10” në Tiranë.
Të miturit e identifikuar janë banorë të kompleksit dhe marrja në pyetje e tyre është kryer në prani të psikologëve dhe prindërve. Ata kanë treguar se nuk bënë asgjë me paramendim dhe se kishin parë një vazo të djegshme pranë saj ishin mbeturinat si dhe karroca gjendej pranë një kondicioneri.
Ndërkohë burimet bëjnë me dije se prokurori i çështjes ka urdhëruar policinë që të kryejë veprime të tjera në vendngjarje, siç është edhe pyetja e disa shtetasve të tjerë. Ende nuk ka përfunduar akt-ekspertimi shkencor bëjnë me dije burimet ndërsa nga referimi i policisë që kishte arrestuar 4 shtetasit Razie Sula, Agron Cara, Enver Ademi dhe Altin Furtuna që dyshohen se shkelën rregullat për mbrojtjen nga zjarri.
Discussion about this post