Specialist të vjedhjeve, e ka cilësuar deputeti demokrat Edi Paloka, ish-zv.Kryeministrin socialist Arben Ahmetaj, për të cilin SPAK kërkon autorizimin e Kuvendit për ta hetuar.
Paloka ka sjellë në vëmendje aferat e Ahmetajt që para vitit 2005, duke kujtuar kompaninë Hermes, përmes të cilës ish-zv.Kryeministri vodhi 12 mln dollarë.
“Te jeni të bindur se nëse ai do të mendonte të përballej me drejtësinë, me Parlamentin, ai do të ishte në Këshillin e Mandateve. Por ai ka ikur edhe kjo nuk është për herë të parë.
Në 2005 ai ka pasur arratinë e parë sepse ka qenë i akuzuar për gati 12 milionë dollarë me Hermesin dhe priti sa të kalonin afatet ose bëri marrëveshje me drejtësinë dhe u rikthye.
Berisha e tha dhe sot se nëse ka një specialist hajdut në Qeverinë socialiste është Arben Ahmetaj, por për rastin që po ndodh na bën të kuptojmë se ka një përplasje mes Ahmetajt dhe Ramës.
Ndryshe nga rastet e tjera si Tahiri, Bllako, Koka që kanë shkuar për shpërdorim detyre pasi bënë marrëveshje me Ramën, Ahmetaj mesa duket nuk e ka pranuar këtë gjë, pasi akuzat e tij janë të rënda dhe shkojnë në 20 vite burg.
Mesa duket Ahmetaj nuk e ka pranuar burgun dhe e ka ndërruar heshtjen me arratisjen dhe të shijojë milionat atje ku është pa u arrestuar. Por përplasja ekziston pasi nga kontrolli i shtëpisë së Ahmetajt u zbuluan sende që e denigron atë”, tha Paloka në Syri tv.
Discussion about this post