Deputeti i Partisë Demokratike, Edi Paloka ka akuzuar ministrin e Drejtësisë, Ulsi Manja se ka kontaktuar në telefon me persona me precedentë penalë në Shqipëri dhe jashtë vendit.
Sipas Palokës, ministri Manja në bashkëpunim me kryebashkiakun e Lezhës, i kërcënon indirekt ose ju ofron lehtësira nëse ata do angazhohen në fushatë për PS.
Ai theksoi se informacionin e ka marrë nga njerëz të sigurt dhe se në ditët në vijim do zbulojë detaje të reja.
“Dje kam marrë informacion se në qarkun e Lezhës, vetë ministri i drejtësisë kontakton, i japin telefonin nuk merr me telefonin e tij, dhe kontakton me persona me probleme penale në Shqipëri dhe jashtë dhe i kërcënon indirekt ose ju ofron lehtësira nëse ata do angazhohen në fushatë për PS. Kjo është jo vetëm shkelje të kodit, por kemi të bëjmë me krim.
Një ministër u lë të kuptohen se nëse nuk do angazhohen në fushatë, këto probleme do u riaktivizohen. Këtë e bën ministri i drejtësie bashkë me Pjerin Ndreu. Këtë informacion e kam marrë nga njerëz të sigurt, në vazhdim do ketë edhe gjëra të tjera. Nuk dua të them më shumë, a janë të filmuara apo të regjistruara, por do dalin në ditët në vijim”, tha Paloka.
Discussion about this post