Në një konferencë për mediet pak minuta më parë, Sekretari i Përgjithshëm i PD, Gazment Bardhi ka deklaruar se ai sërish nuk beson që Berisha të ketë mbledhur votat e nevojshme dhe se mbështetësit e Berishës janë shërbyes të Ramës. Në lidhje me këtë deklaratë ka reaguar menjëherë, Edi Paloka, i cili përmes një postimi në rrjetin social Facebook shkruan se, votat e mbledhura tregojnë se kush është shumica. Sipas tij ,demokratët e vërtetë duna të rrëzojnë qeverinë, ndërsa Bardhi dhe Basha shohin se si të ruajnë karriget e tyre.
Anëtarët e PD nuk kanë hallin se kush do te mbaje zyrat apo karriget ne selinë e partisë ndërkohë që ata enden rrugëve nën goditjet e një qeverie e kryeministri mostër! Demokratet presin që drejtuesit e tyre t’i udhëheqin drejt rikthimit të PD në pushtet pasi te kemi rrezuar këtë regjim antishqiptar e kjo nuk behet duke u fshehur. Vota është në themel të demokracisë! Vota tregon dhe kush është shumicë apo pakicë. Vota është dhe zgjidhja për situatën e krizës që po kalojmë”, tha ai. Sipas tij, çdo veprim tjetër për të gjetur justifikime mbi verifikimin e firmave është tallje dhe jo grumbullimi i tyre. E.H/gijotina.com/
Discussion about this post