Pas mbylljes së Kuvendit që u mbajt sot, Edi Paloka ka bërë një deklaratë ku i bënë thirrje edhe pjesës tjetër të anëtarëve të bashkohen në Partinë Demokratike që u rithemelua sot. Përmes një postimi në Facebook ai shprehet se kjo është e vetmja parti e vërtetë, ajo që u rithemelua sot në Kuvend, prandaj të gjithë duhet ta mbështesin dhe të largohen nga Basha dhe miqtë e tij që luftojnë vetëm për karrige.
“Sot Kuvendi i PD, për herë të parë u mblodh me kërkesë të delegatëve te tij dhe mori vendime historike, te rëndësishme në bazë të të cilëve qëndron rithemelimi i PD. Ne Kuvendin e demokrateve të lirë, sot morën pjesë një numër jo i vogël prej anëtarëve te Këshillit Kombëtar. Unë ju bej thirrje dhe pjesës tjetër të anëtarëve, t’i bashkohen PD të rithemeluar sot me vullnetin e shumicës përfaqësuese të demokrateve e të mos bëhen pjese e lojës të atyre që për karrige janë gati të shkelmojnë interesat e demokrateve, për më tepër , nga sot, pa asnjë tagër për të mbledhur Këshillin Kombëtar”, shkruan Paloka Në fund ai mbyll postimin duke thënë se Këshilli Kombëtar, pas Kuvendit Kombëtar është organi me i lartë i PD dhe anëtaret e tij duhet të përfaqësojnë vullnetin dhe interesat e demokrateve.
Discussion about this post