Deputeti demokrat Edi Paloka, përmes një postimi në rrjetet sociale, ka bërë një paralelizëm mes skenarit që u aplikua ndaj Navalnyt në Rusi dhe asaj që po ndodh në Shqipëri me liderin e opozitës, Sali Berisha.
Paloka shkruan se pavarësisht gjendjes së demokracisë në Shqipëri, Sekretari amerikan i Shtetit, vjen dhe e konsideron Edi Ramën, që deputeti demokrat e etiketon si “Putini shurraq”, si një udhëheqës të shkëlqyer.
“Kaq duhet të mjaftojë që çdo shqiptar të kuptojë se po nuk e morëm në duart tona fatin tonë, asgjë nuk do ndryshojë”, shkruan Paloka.
Postimi nga Edi Paloka
Sot gjithe lideret e botes demokratike kane reaguar per vdekjen ne burg te Navalnyt, kundershtarit te paepur te diktatorit rus! Sot te gjithe jane kujtuar te theksojne se Navalny u burgos me akuza te sajuara vetem sepse ishte kundershtar i Putinit.
Nderkohe ne mes te Europes , ne Shqiperi po zbatohet i njejti skenar me liderin e opozites . Pasi provuan cdo forme shantazhi e menyra nga me te pistat per ti mbyllur gojen e per ta nxjerre nga politika, e arrestuan pa arritur as sa per sy e faqe ti ngrene nje akuze.
Megjithate ne vend qe te reagohet per situaten dramatike te demokracise ne Shqiperi, vjen Sekretari i Shtetit dhe putinin shurraq te Shqiperise e quan “udheheqes te shkelqyer”…Te keqen e Elises…!
Kaq duhet te mjaftoje qe cdo shqiptar te kuptoje se po nuk e morem ne duart tona fatin tone, asgje nuk do ndryshoje.
20 shkurt te gjithe ne proteste!
Discussion about this post