Pas humbjes në zgjedhjet lokale të 14 majit, deputeti Edi Paloka u shpreh se: Jemi nën një regjim putinist, ku një “palaço” na vuri në diktaturë. Populli duhet të “ulërasë”. Këtu nuk ka zgjedhje, çfarë duhet të bëhet më tepër në këtë vend. Duhet të shpëtojmë pluralizmin dhe demokracinë.
Më tej, Paloka u shpreh se ish-kryeministri Berisha nuk duhet të tërhiqet nga pozicioni që ka pasi kjo është një kërkesë që vjen nga kryeministri Rama. Ai tha se koalicioni “Bashkë Fitojmë” megjithëse nuk kishte numërues dhe komisionerë, arriti të marrë mbi 500 mijë vota.
“Ne e dimë realitetin, ky është realiteti. E dimë që i vjedhin, manipulojnë. Ne duhet të marrim përgjegjësinë për tu përballur me këta. Ju i patë vetë si shkuan zgjedhjet. Përgjegjësitë tona janë ato që u thashë. Ne përballemi me një realitet që është ky, një qeveri që vjedh dhe manipulon. Ju po e bëni si ai çobani me lopën që i thonë ke faj. Ose të përballemi ose të shkojmë të gjithë në shtëpi. Asnjë hap s’ka pse të bëjë pas Berisha se e kërkon Rama. E kërkojnë këtë që të shkalafitet opozita. Ju po thoni hajde ti japim një dorë Ramës”, tha Paloka.
I pyetur për dorëheqjen e Enkelejd Alibeajt si kryetar i komanduar i PD-së, një ditë më parë, Paloka u shpreh se “Nuk dorëhiqet një njeri nga një post që nuk e ka pasur kurrë. Alibeaj e mbaroi misionin, aq ia kishin caktuar. Ai e çoi misionin deri në fund. Koalicioni “bashkë fitojmë” mori mbi 500 mijë vota, pa pasur komisionerë, sigël, financim, numërues. Unë e kam thënë më shumë se një herë, ky është realiteti”.
Discussion about this post