Deputeti i demokrat, Edi Paloka, ka reaguar pas dorëzimit të dokumentave në KQZ nga përfaqësues të Enkelejd Alibeajt për zgjedhjet lokale të 14 majit, por në të cilat rezulton se kryetar i PD ëshë i dorëhequri Lulzim Basha.
Në postimin e tij në Facebook, Paloka thekson se ‘alibashët do legenosen deri në fund për të realizuar shërbimin e paguar ndaj Ramës për shkatërrimin e opozitës dhe për këtë nuk ka më asnjë dyshim’.
“Unë kisha vetëm një pyetje për ata deputetë që publikisht shpallën se nuk e njihnin më L. B. si kryetar dhe ‘e detyruan’ të dorëhiqet, çfarë do të bëjnë tani, apo nderi dhe dinjiteti nuk kanë asnjë vlerë?”, shkruan Paloka.
Postimi
Alibashët paskan dërguar sot letra ne KQZ për të regjistruar grupimin e tyre. “Kryetar i partisë” në letrat që kanë dërguar, rezulton … “i dorehequri” prej një viti, vetë L.B.
Që Kushtetuta, Kodi, ligji dhe gjithe procedurat ligjore do vazhdojnë të shkelen për të çuar deri ne fund qëllimin e Ramës, nuk ka asnjë dyshim.
Edhe që Alibashët do legenosen deri në fund për të realizuar sherbimin e paguar ndaj Rames për shkatërrimin e opozitës, nuk ka më asnjë dyshim.
Unë kisha vetem një pyetje për ata deputetë që publikisht shpallën se nuk e njihnin me L.B si kryetar dhe “e detyruan” të dorëhiqet, çfare do të bëjnë tani, apo nderi dhe dinjiteti nuk kanë asnjë vlerë?
Discussion about this post