Deputeti Edi Paloka, është treguar ironik në reagimin e tij për mbledhjen e Lulzim Bashës me drejtuesit e degëve. Ai ka shkruar se Basha vijon të bëhet qesharak, ndërsa mbledhët krerët, 80 përqind e të cilëve i ka zgjedhur vetë.
“Vazhdon të bëhet qesharak deri në dhimbje, po kjo nuk e shqetëson! Ka mbledhur sot “kryetarët” e degëve, 80% të të cilëve i ka emëruar vete. “Kryetarë” pa anëtarë, disa prej të cilëve e vetmja punë që kanë bërë që kur janë emëruar, ka qenë ndërrimi i bravave në selitë e PD”, është shprehur ai.
Gjithashtu, Paloka ka theksuar faktin që edhe kandidatët të cilët u shpallën humbës në zgjedhjet e 6 marsit, flasin me gjuhën e Bashës duke mos bërë përgjegjës këtë të fundit.
“Ka mbledhur dhe kandidatët e tij humbës, që megjithëse të renditur të tretët në garën me tre vetë, deklarojnë njësoj si “lideri” se nuk kane humbur asnjëherë dhe sigurisht që Lulzim Basha nuk ka pse jep dorëheqje. Beteja sapo ka filluar ! Nesër do mbledhë fisin dhe krushqinë…!”, ka shkruar Paloka.
Discussion about this post