Deputeti i Partisë Demokratike, Edi Paloka, e ka cilësuar 18 Dhjetorin një ditë mjaft të rëndësishme për demokratët dhe demokracinë. Në një postim në Facebook, Paloka shkruan se në 18 dhjetor do të shihet se kush kërkon kthimin e PD-së në pushtet, e kush do të mbajë akoma Ramën.
Ndërkohë Paloka ju ka bërë thirrje demokratëve që të bashkohen dhe të votojnë në referendumin e 18 Dhjetorit për ratifikimin e shkarkimit të Lulzim Bashës, i cili është peng i Edi Ramës.
“18 dhjetori ndan se kush demokrat kërkon rikthimin e PD tek fitorja e kush i bëhet krah atyre që kërkojnë Ramën mbret e një PD me 5% të votave mjafton që ata të mbajnë vulën dhe karriget e tyre ne opozite që t’i përdorin për bizneset personale. Nëse ka demokrat të thjesht që gjithë sakrificat e tij do t’i hedh në këmbët e atyre që nuk i lidh asgjë me PD e që luftojnë me brava dyersh vetëm për karrige ashtu qoftë. Vota le të përcaktojë. Po ata që e dinë se i kanë humbur demokratët dhe tani përdorin çdo hile, përdorin dhe zagarët e pushtetit, për të mbajtur karriget dhe vulën e PD-së, pengje apo jo, nuk bëjnë gjë tjetër, vetëm i shërbejnë Ramës, kundër interesit të mijëra demokratëve” – shkruan Paloka.
Discussion about this post